میں کٹیا میں رہنے والا تم باسی ہو رنگ بھون کے
میں کٹیا میں رہنے والا تم باسی ہو رنگ بھون کے
نینوں کی مضراب سے دیکھو تار نہ چھیڑو میرے من کے
اس سنسار میں روپ کی کلیاں دھن کے ترازو میں تلتی ہیں
دھن والوں میں بٹ جاتے ہیں سندر سپنے ہر نردھن کے
اپنی راہ میں کتنی اونچی سونے کی دیوار کھڑی ہے
میں ہوں بے پر تم ہو بے بس گیت نہ چھیڑو مدھر ملن کے
میرے نینوں کا اجیارا بن نہ سکے گی مانگ تمہاری
توڑ کے لے آؤں میں بے شک چاند ستارے نیل گگن کے
سونے چاندی کے پھولوں سے پوجے گا جگ روپ تمہارا
میرے جیون کی جھولی میں لے دے کے ہیں ہار انسوان کے
میرے کارن ہوں نہ پریشاں اپنی زلفوں کو سمجھا لو
مجھ سے سب کچھ کہہ دیتے ہیں جھونکے آکر مست پون کے
پھول سمجھ کر شعلوں کو تم اپنے آنچل میں مت ڈالو
گل کر دو سب آس کی شمعیں دیپ بجھا دو پریم گگن کے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
