partaw-e-ruKH se munawwar goshwara ho gaya

partav-e-ruḳh se munavvar goshvārā ho gayā

jalva-gar ḳhurshīd ke pahlū meñ taarā ho gayā

har lab-e-jāñ-baḳhsh hai sarchashma-e-āb-e-hayāt

ḳhāl-e-mushkīñ ḳhizr kī āñkhoñ kā taarā ho gayā

jab chaḌhī tevrī tirī utrā mirā muñh ḳhuun se

dil tah-o-bālā huā hashr āshkārā ho gayā

uḌ chalā dekhā nigāh-e-garm se jab yaar ne

be-qarārī se dil-e-be-tāb paarā ho gayā

saaf qal.ī khul ga.ī us sho.ala-rū ke sāmne

ā.īna aisā jalā kāfūr paarā ho gayā

hashr kartā hai ye kahnā aap kā bālā-e-bām

lo sivā neze pe sūraj āshkārā ho gayā

lau lagī hai ab to us kān-e-sabāhat se 'sahar'

zahrā jis ke kaan kā har goshvārā ho gayā

partaw-e-ruKH se munawwar goshwara ho gaya

jalwa-gar KHurshid ke pahlu mein tara ho gaya

har lab-e-jaan-baKHsh hai sarchashma-e-ab-e-hayat

KHal-e-mushkin KHizr ki aankhon ka tara ho gaya

jab chaDhi tewri teri utra mera munh KHun se

dil tah-o-baala hua hashr aashkara ho gaya

uD chala dekha nigah-e-garm se jab yar ne

be-qarari se dil-e-be-tab para ho gaya

saf qali khul gai us shoala-ru ke samne

aaina aisa jala kafur para ho gaya

hashr karta hai ye kahna aap ka baala-e-baam

lo siwa neze pe suraj aashkara ho gaya

lau lagi hai ab to us kan-e-sabahat se 'sahar'

zahra jis ke kan ka har goshwara ho gaya