جپ رہا ہوں میں تری یاد کی مالا دل میں

جپ رہا ہوں میں تری یاد کی مالا دل میں

جلوہ فرما ہو تو اے برق تجلیٰ دل میں

میری آنکھوں سے اگر پردۂ غفلت اٹھ جائے

میں بھی دیکھوں ترے جوبن کا تماشا دل میں

توہی پیارا ہے میرا اور توہی جانی ہے مرا

آ بٹھا لوں میں تجھے اے مرے چھیلا دل میں

ذکر بھی کرتا ہوں گر میں تو ترا کرتا ہوں

جز ترے دھیان نہیں اور کسی کا دل میں

دور آنکھوں سے تصور نہیں ہوتا جس کا

کھب گیا ہے وہ نبی کا رخ زیبا دل میں