مجھے تو مارا حیا نے تیری کرے گا مجھ سے حجاب کب تک

مجھے تو مارا حیا نے تیری کرے گا مجھ سے حجاب کب تک

دکھا دے مکھڑا اٹھادے پردہ رکھے گا منہ پر نقاب کب تک

بھلا یہ پوچھے کوئی صنم سے ہوئی ہے تقصیر کون ہم سے

جو باز آتا نہیں ستم سے یہ ظلم و جور و عتاب کب تک

دِلا سراپا سرورہوجا نکل کے ظلمت سے نور ہوجا

خدا کے نشہ میں چور ہو جارہےگا مستِ شراب کب تک

مجھے تو آتی ہے دل پہ رقت کہ عشق بازی ہے اس کی خلقت

تو دامِ صورت میں فی الحقیقت پھنسا رہے گا تراب کب تک