تو مجھے اپنا بنا کر سب سے بیگانہ بنا

تو مجھے اپنا بنا کر سب سے بیگانہ بنا

میرے مالک میرے مالک مجھ کو دیوانہ بنا

اس حقیقت کو کسی صورت سے افسانہ بنا

دل نہ کعبہ بن سکے تیرا تو بت خانہ بنا

تیرے صدقے چشم ساقی دیکھ اور پھر مجھ کو دیکھ

آج اس پیمانے سے اک اور پیمانہ بنا

پھر اسی انداز سے تو مسکرا کر دیکھ لے

تیرے صدقے پھر اسی صورت سے دیوانہ بنا

کیسا دل کیسی نگاہیں کیسا ارماں کیسا شوق

ساری ہستی کو نثارِ حسنِ جانا نہ بنا

ہر قدم پر تیرے ہوگی منزل مقصود عشق

ہر قدم کو پہلے تو منزل سے بیگانہ بنا

جس نے اپنے واسطے عالم کو دیوانہ کیا

شوق اپنے واسطے تواس کو دیوانہ بنا