منظور چشم صورتِ جانانہ چاہئے

منظور چشم صورتِ جانانہ چاہئے

مرغوب گوشِ عشق کا افسانہ چاہئے

کیا چیز ہیں کہ سہل نہ ہوں مشکلاتِ عمر

لیکن یہی کہ ہمتِ مردانہ چاہئے

فرزانگی پہ بار ہے ہنگامۂ حیات

دنیا میں بسے دل دیوانہ چاہئے

اس جادۂ فنا میں کہ رہبر ہے سوئے دوست

ہر ہر قدم پہ سجدۂ شکرانہ چاہئے

جلوے سے ہے غرض تو خزاں کیا بہار کیا

ہر رنگ میں نظارۂ جانانہ چاہئے

دعوائے عشق ہے تو ولی یہ سرِ نیاز

تسلیم آستانۂ جانانہ چاہئے