فصل بہار ہے اور عالم جوانی

فصل بہار ہے اور عالم جوانی

آ چین کر لیں پیارے عشق است و زندگانی

پامال کر گلوں کو بلبل کا خوں بٹا دے

اے رشک گل پہن تو پوشاک ارغوانی

کل تھے حکیم صاحب تدبیر میری کرتے

اب آج ان کے منہ میں ٹپکا جاہے پانی

کیا رنگ عشق لایا دیکھو مقابلہ میں

یہاں رنگ فق ہے اپنا وہاں چہرہ ارغوانی

روشن جبیں کے منہ پر زلف سیہ ہو پردہ

یہ ماہ و ابر یارو آفت ہے آسمانی

بے شغلی جنوں میں کام اتنا ہے وصیؔ کو

دل میں تصور اس کا لب پر ہے شعر خوانی