دلیل صبح روشن ہے سیہ شام الم ساقی

دلیل صبح روشن ہے سیہ شام الم ساقی

خدا کا بعد ہر مشکل کے ہوتا ہے کرم ساقی

عیاں ہوتا نہیں ہے زیست کا سر نہاں اس پر

کبھی جس کے نہ ہونٹوں نے چھوا ہو جام غم ساقی

نہیں ممکن فریبی پر مجھے پھر اعتبار آئے

نہیں بن سکتا ہے گر ٹوٹ جائے جام جم ساقی

حریم دل میں ازموں کے رکھے بت توڑ ڈالو تم

چراغ حق سے پھر روشن کرو دل کا حرم ساقی

کہاں ہم چھوڑ کر جائیں ترے دامن کو اے ساقی

کہ ہے رندوں کی خاطر مے کدہ باغ ارم ساقی