اک ہمارے ہی دل پر ہے نہیں اثر تنہا

اک ہمارے ہی دل پر ہے نہیں اثر تنہا

چھٹ کے آپ بھی ہم سے روئے عم بھر تنہا

جس طرف سے گذرے تھے ساتھ ساتھ وہ میرے

اب کبھی نہ ہو یارب اس طرف گذر تنہا

آج ان کی محفل سے اس طرح سے نکلے ہیں

آنکھ اداس دل ویراں سب سے بے خبر تنہا

دیکھیے تو ہر اک سے سلسلے ہیں رشتے ہیں

سوچیے تو دنیا میں ہے ہر اک بشر تنہا

آج دیدۂ و دل سے کیا سلوک ہو یا رب

ان کے سیکڑوں جلوے اور ادہر نظر تنہا

رہ گزرِ ہستی کا دیکھ کر یہ سناٹا

سوچتا ہوں میں واصلؔ آ گیا کدھر تنہا