آپ گر میرے ہیں تو پھر کیا ہے

آپ گر میرے ہیں تو پھر کیا ہے

کیا مجھے اب کسی کی پرواہ ہے

عقل والے بھی دنگ رہتے ہیں

ان کی ہر بات اک معمہ ہے

ان کے قدموں پہ دم نکل جائے

جن کی الفت میں دل تڑپتا ہے

موت اب مجھ کو آ نہیں سکتی

ان کی نظروں نے مجھ کو مارا ہے

جسم میرا نہ جان ہے میری

جو بھی میرا ہے سب تمہارا ہے

اس کا ہو جا کہ بس وہی ہے تیرا

دلِ نادان کون کس کا ہے

شافع حشر شاہ ہر دوسرا

جن کا محبوب میرا آقا ہے

جس کا دل اس نے لے لیا حاذقؔ

ساری دنیا پہ اس کا قبضا ہے