اس کے بغیر جی سکوں ایسا نہیں ہوں میں

اس کے بغیر جی سکوں ایسا نہیں ہوں میں

گو محوِ جلوۂ رخِ زیبا نہیں ہوں میں

میں کیا بتاؤں کیا ہوں سراپا ہوں راز حق

اے چشمِ کور خاک کا پتلا نہیں ہوں میں

رہتا ہے ساتھ ساتھ مرے یارِ غم گسار

تنہائی میں بھی دیکھیے تنہا نہیں ہوں میں

مانوس غیر سے متوحش ہوں یار سے

کیا کم سمجھ ہوں ہائے سمجھاتا نہیں ہوں میں

دل میں ہے رہے آٹھ پہر شکلِ مصطفیٰ

کیا کوئی کہہ سکے گا مدینہ نہیں ہوں میں

حاذقؔ جو اس کے سامنے آیا وہ مر مٹا

کشتہ نگاہِ یار کا تنہا نہیں ہوں میں