وہ دل نہیں وہ قلب نہیں وہ جگر نہیں

وہ دل نہیں وہ قلب نہیں وہ جگر نہیں

اس دل میں ذکرِ خالق اکبر اگر نہیں

تیرے سوا کسی پہ اٹھے وہ نظر نہیں

راہ وفا میں کام نہ آئے وہ سر نہیں

ایسا خیال آتا ہے رہ رہ کے بار بار

شاید شبِ فراق کی ہوتی سحر نہیں

سن کر ہمارے درد محبت کا واقعہ

انجان بن کے کہتے ہیں ہم کو خبر نہیں

وارفتگی عشق میں صحرا نورد ہوں

لیکن حبینِ شوق مری در بدر نہیں

بلبل ہے صحن باغ میں پروانہ بزم میں

ہم کس جگہ ہیں کچھ ہیں اپنی خبر نہیں

بعد ظہور حضرت خیر البشر ظہیرؔ

ایسا جہاں میں پھر ہوا پیدا بشر نہیں