تو دوست ہے تو خدا را نہ دے سزا مجھ کو

تو دوست ہے تو خدا را نہ دے سزا مجھ کو

کہ اور جینے کی ظالم دعا نہ دے مجھ کو

میں سو گیا تو ضرور آئیں گے وہ سپنوں میں

اشک یہ ڈر ہے کہ کوئی جگا نہ دے مجھ کو

یہ آس ہے کہ کسی موڑ پر ملے گا تو

بچھڑنے والے مسافر بھلا نہ دے مجھ کو

اٹھا چکا ہوں میں صدمے فراق کے برسوں

خدایا حشر میں کوئی سزا نہ دے مجھ کو

نہ چھیڑ داستاں حسرت تھمے ہیں اشک ابھی

فسانہ غم کا ترے پھر رلا نہ دے مجھ کو