روشن ہے دنیا ساری مولا ترے عزم سے

روشن ہے دنیا ساری مولا ترے عزم سے

رکھنا ہمیں بھی یا رب محفوظ ہر الم سے

تیری رضا کی خاطر تیری خوشی کی خاطر

باندھے تھے پیارے آقا پتھر کئی شکم سے

مفلس یتیم بے بس سب کو ترا سہارا

زندہ ہیں سب جہاں میں اک تیرے ہی کرم سے

عظمت تری تو ضبط تحریر میں کیا آئے

کیسے ادا ہو تیری حمد و ثنا قلم سے

بخشش و مغفرت کا کرنا معاملہ تو

ہر موڑ پر خطائیں ہوتی ہیں مولا ہم سے

شاہ و گدا سبھی کو حج ہو نصیب یا رب

بندوں کا تیرے رشتہ قائم رہے حرم سے

دے گا سہارا مجھ کو میرا خدا ہی حسرتؔ

ہوگی مری حفاظت باطل کے ہر ستم سے