عجب آئی بہار رنگ_ساماں آج ہولی میں

عجب آئی بہار رنگ ساماں آج ہولی میں

گلے ملتے ہیں سب ہندو مسلماں آج ہولی میں

ہوا عہد جنوں میں بھی بہت کم اتفاق ایسا

ملا ہے جا کے دامن سے گریباں آج ہولی میں

سجی ہے بزم عشرت جس کو دیکھو شاد پھرتا ہے

وہ بے پایاں مسرت کا ہے طوفاں آج ہولی میں

گلال و رنگ پاشی سے مٹی ہیں ساری تفریقیں

ہیں ایک ہی رنگ میں ہندو مسلماں آج ہولی میں

وہ سامان طرب حاصل ہے دنیائے محبت میں

سے تھا ناشاد کل تک ہے وہ شاداں آج ہولی میں

فناؔ کے دل میں بھی لو آج موج تازگی اٹھی

کھلا ہے آرزؤں کا گلستاں آج ہولی میں