Sufinama

آ چنوں رل یار

خواجہ غلام فرید

آ چنوں رل یار

خواجہ غلام فرید

MORE BYخواجہ غلام فرید

    آ چنوں رل یار

    پیلوں پکیاں نی وے

    کئی بگڑیاں کئی ساویاں پلیاں

    کئی بھوریاں کئی پھکڑیاں نیلیاں

    کئی اودیاں گل نار

    کٹوئیاں رتیاں نی وے

    بار تھئی ہے رشک ارم دی

    سک سڑ گئی جڑھ ڈکھ تے غم دی

    ہر جا باغ بہار

    شاخاں چکھیاں نی وے

    پیلوں ڈلیاں دیاں گلزارا

    کہیں گل ٹوریاں کہی سر خاریاں

    کئی لا بیٹھیاں بار

    بھر بھر پچھیاں نی وے

    جال جلوٹیں تھئی آبادی

    پل پل خوشیاں دم دم شادی

    لوکی سہنس ہزار

    کل نے پکھیاں نی وے

    حوراں پریاں ٹولے ٹولے

    حسن دیاں ہیلاں برہوں دے جھولے

    راتیں ٹھنڈیاں ٹھار

    گوئیلیں تتیاں نی وے

    رکھ دے ناز حسن پرور وے

    ادھرو تیغ تے تیر نظر دے

    تیز تکھے ہتھیار

    دلیاں پھٹیاں نی وے

    کئی ڈیون ان نال برابر

    کئی گھن آون دیڈھے کر کر

    کئی ویچن بازار

    تلیاں تکیاں نی وے

    کئی دھپ وچ وی چندیاں رہندیاں

    کئی گھن چھان چھنویرے بہندیاں

    کئی چن چن پئیاں ہار

    ہٹیاں تھکیاں نی وے

    ایڈوں عشوے غمزے نخرے

    اوڈوں یار خرایتی بکرے

    کسن کان تیار

    رانداں رسیاں نی وے

    پیلوں چندیں بوچھن لیراں

    چولا وی تھیا لیر کتیراں

    گلڑے کرن پچانر

    سنگیا سکیاں نی وے

    ائیاں پیلوں چنن دے سنگے

    اوڑک تھئیاں فریدنؔ وانگے

    چھوڑ آرام قرار

    ہکیاں بکیاں نی وے

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے