آ ساقیا پلا دے مجھے جام نیستی

آ ساقیا پلا دے مجھے جام نیستی

آخر بنائے گی یہ مرا کام نیستی

مشرک بنوں جو نام خدا لوں زبان سے

یادِ خدا سے کرتی ہے بے کام نیستی

یہ ذوق و شوق آہ و بکا چند روزہ ہے

اے عاشقو ہے عشق کا انجام نیستی

ہو جائے گر عطا مجھے سرکار سے تو پھر

دیوے گی تا ابد مجھے آرام نیستی

گر ہو سکے تو سالکو اس کو کرو حصول

یاور ہے راہ حق میں بہ ہرگام نیستی

دیں سے تمہارے واعظو رکھتے نہیں غرض

پیرو ہیں ہم تو مذہب اسلام نیستی

حور و قصور کی نہیں مجھ کو طلب اسدؔ

میں مانگتا ہوں حق سے صبح و شام نیستی