کھیال ماسوا پی کی نگریا کیسے لے جاؤں

کھیال ماسوا پی کی نگریا کیسے لے جاؤں

وہ یکتا ہے میں دوجے کی گگریا کیسے لے جاؤں

یہ پوجا پاٹ مندر اور کلیسا گردوارے سب

بکھیڑے ہیں انہیں پی کی اٹریا کیسے لے جاؤں

سجن البیلوا مجھ کو بٹھا لے اپنے چرنوں میں

میں پاپی جگ میں یہ بالی عمریا کیسے لے جاؤں

تو داتا ہے تو مولیٰ ہے تو پالنہار ہے سب کا

اپنے کچھ بھیک دے خالی گگریا کیسے لے جاؤں

یہ پھاگن کا مہینہ اور سہانی رت یہ ہولی کی

یہ تن من اے سکھی پی کی نگریا کیسے لے جاؤں

حسینی رنگ میں رنگ دے ارے رنگرجوا مو کو

بچا کر تجھ سے میں سادی چنریا کیسے لے جاؤں

میں تو سے کیا کہوں کاوشؔ دیوانی ہوں میں حیدر کی

چرا کر اس کی نجروں سے نجریا کیسے لے جاؤں