میں مسرت میں خوشی میں ہوں نہ رنج و غم میں ہوں

میں مسرت میں خوشی میں ہوں نہ رنج و غم میں ہوں

روئے جاناں سامنے ہے میں عجب عالم میں ہوں

مسکراتا ہے مری رگ رگ میں کوئی آج کل

اس طرح مصروف اپنے جسم کے ماتم میں ہوں

کیا ستا سکتی ہیں مجھ کو زندگی کی الجھنیں

رات دن الجھا ہوا میں گیسوئے برہم میں ہوں

بادۂ توحید سے لبریز ہے مرا سبو

میں شراب زیست بن کر جام کیف و کم میں ہوں

جل رہے ہیں جان و دل کاوشؔ کسی کے عشق میں

دو جہاں سے بے خبر میں کیف کے عالم میں ہوں