یہ اسیر رنج و راحت میں اسیر زلف جانانہ

یہ اسیر رنج و راحت میں اسیر زلف جانانہ

بھلا کیا سمجھ سکے گا مجھے نا سمجھ زمانہ

میں جنم جنم کا پیاسا مری تشنگی مٹائی

ترا مے کدہ سلامت نگہ قلندرانہ

تجھے خلد کی تمنا مجھے آرزو صنم کی

تری فہم سے ہے بالا مرا عشق عارفانہ

ذرا دیکھ اپنے دل کو وہ نہاں ہے تیرے دل میں

جسے کر رہا ہے ہر سو تو تلاش غائبانہ

غم زندگی نہیں ہے مجھے فکر دیں نہیں ہے

در مرتضیٰ پہ کاوشؔ جھکا سر ہے عاجزانہ