ان کی نظروں کا ادنیٰ اشارہ جو مل گیا

ان کی نظروں کا ادنیٰ اشارہ جو مل گیا

لاہوت سے بھی آگے ہمارا یہ دل گیا

سارا جہاں چھوڑ دیا ہم نے عشق میں

زاہد کا دل ثواب نہ ملنے پہ ہل گیا

جس نے صنم کو دل میں بٹھایا بصد خلوص

پہنچا وہ ہی مراد کو رب اس کو مل گیا

اپنا ہی عکس پایا جس سمت کی نظر

واعظ حریم ناز میں جب اپنا دل گیا

کمھلا گیا تھا معرفت توحید کا جو پھول

اک چشم مست ناز میں واعظ وہ کھل گیا

گم ہوں میں اپنی ذات میں کاوشؔ میں کیا کہوں

میں راز بن گیا ہوں میرا منہ بھی سل گیا