jab arab ke chaman mein wo nur-e-KHuda har taraf apna jalwa dikhane laga

jab 'arab ke chaman meñ vo nūr-e-ḳhudā har taraf apnā jalva dikhāne lagā

kufr ġhārat huā but gire TuuT kar muñh pahāḌoñ meñ shaitāñ chhupāne lagā

paidā hote hī bole ki yā-ummatī haq ne farmāyā ki maiñ ne sab baḳhsh dī

ġham na khā ai mere pyāre nabī abr-e-rahmat mirā josh khāne laggā

kyā bashar kyā malak kyā zamīñ kyā falak 'arsh se farsh tak sharq se ġharb tak

dekh kar nūr-e-haq par koī yak-ba-yak aamad aamad kā muzhda sunāne laggā

har taraf nūr-e-abr huvaidā huā jis ne dekhā vahīñ dil se shaidā huā

jab 'arab meñ vo mahbūb paidā huā sab ko jitne hasīñ the ghaTāne lagā

phir to sharī'at kī maujeñ uThīñ chaar jānib nubuvvat kī faujeñ baḌhīñ

saaf allāh se bāteñ hone lagīñ paas rūh-ul-amīñ aane jaane laggā

kañgūre kisrā ke girne lage Dūbte kalima paḌh paḌh kar tirne lage

aag ātish-kadoñ kī bujhāne lagā ḳhushk sāvan meñ paanī bahāne lagā

'akbar'-e-ḳhasta kī haiñ ye chaar iltijā is meñ koī to puurī ho bahr-e-ḳhudā

yā to jalva dikhā yā madīna bulā varna taskīn de dil ko Thikāne laggā

jab 'arab ke chaman mein wo nur-e-KHuda har taraf apna jalwa dikhane laga

kufr ghaarat hua but gire TuT kar munh pahaDon mein shaitan chhupane laga

paida hote hi bole ki ya-ummati haq ne farmaya ki main ne sab baKHsh di

gham na kha ai mere pyare nabi abr-e-rahmat mera josh khane lagga

kya bashar kya malak kya zamin kya falak 'arsh se farsh tak sharq se gharb tak

dekh kar nur-e-haq par koi yak-ba-yak aamad aamad ka muzhda sunane lagga

har taraf nur-e-abr huwaida hua jis ne dekha wahin dil se shaida hua

jab 'arab mein wo mahbub paida hua sab ko jitne hasin the ghaTane laga

phir to shari'at ki maujen uThin chaar jaanib nubuwwat ki faujen baDhin

saf allah se baaten hone lagin pas ruh-ul-amin aane jaane lagga

kangure kisra ke girne lage Dubte kalima paDh paDh kar tirne lage

aag aatish-kadon ki bujhane laga KHushk sawan mein pani bahane laga

'akbar'-e-KHasta ki hain ye chaar iltija is mein koi to puri ho bahr-e-KHuda

ya to jalwa dikha ya madina bula warna taskin de dil ko Thikane lagga