جب عرب کے چمن میں وہ نور خدا ہر طرف اپنا جلوہ دکھانے لگا

جب عرب کے چمن میں وہ نور خدا ہر طرف اپنا جلوہ دکھانے لگا

کفر غارت ہوا بت گرے ٹوٹ کر منہ پہاڑوں میں شیطاں چھپانے لگا

پیدا ہوتے ہی بولے کہ یا امتی حق نے فرمایا کہ میں نے سب بخش دی

غم نہ کھا اے میرے پیارے نبی ابر رحمت مرا جوش کھانے لگا

کیا بشر کیا ملک کیا زمیں کیا فلک عرش سے فرش تک شرق سے غرب تک

دیکھ کر نور حق پر کوئی یک بیک آمد آمد کا مژدہ سنانے لگا

ہر طرف نور ابر ہویدا ہوا جس نے دیکھا وہیں دل سے شیدا ہوا

جب عرب میں وہ محبوب پیدا ہوا سب کو جتنے حسیں تھے گھٹانے لگا

پھر تو شریعت کی موجیں اٹھیں چار جانب نبوت کی فوجیں بڑھیں

صاف اللہ سے باتیں ہونے لگیں پاس روح الامیں آنے جانے لگا

کنگورے کسریٰ کے گرنے لگے ڈوبتے کلمہ پڑھ پڑھ کر ترنے لگے

آگ آتش کدوں کی بجھانے لگا خشک ساون میں پانی بہانے لگا

اکبرؔ خستہ کی ہیں یہ چار التجا اس میں کوئی تو پوری ہو بہر خدا

یا تو جلوہ دکھا یا مدینہ بلا ورنہ تسکین دے دل کو ٹھکانے لگا