دوسرا کون ہے جہاں تو ہے
دوسرا کون ہے جہاں تو ہے
کون جانے تجھے کہاں تو ہے
لاکھ پردوں میں تو ہے بے پردہ
سو نشانوں پہ بے نشاں تو ہے
تو ہے خلوت میں تو ہے جلوت میں
کہیں پنہاں کہیں عیاں تو ہے
نہیں تیرے سوا یہاں کوئی
میزباں تو ہے میہماں تو ہے
جسم کہتا ہے جان ہے تو ہی
جان کہتی ہے جان جاں تو ہے
نہ مکاں میں نہ لا مکاں میں کچھ
جلوہ فرما یہاں وہاں تو ہے
رنگ تیرا یہ چمن میں بو تیری
خوب دیکھا تو باغباں تو ہے
محرم راز تو بہت ہیں امیرؔ
جس کو کہتے ہیں رازداں تو ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
