kya roke qaza ke war tawiz

kyā roke qazā ke vaar tā'vīz

qila' hai na kuchh hisār tā'vīz

choTī meñ hai mushk-bār tā'vīz

yā fitna-e-rozgār tā'vīz

donoñ ne na dard-e-dil miTāyā

gañDe kā hai rishta-dār tā'vīz

kyā nād-e-'alī meñ bhī asar hai

chāroñ TukḌe haiñ chaar tā'vīz

Dartā huuñ na sub.h ho shab-e-vasl

hai mehr vo zar-nigār tā'vīz

ham ko bhī ho kuchh umīd-e-taskīñ

kho.e jo tap-e-ḳhayār tā'vīz

pattāl ko jaḌ hamārī pahuñchī

gaaḌā tah-e-pā-e-yār tā'vīz

hājat nahīñ un ko nau-ratan kī

baazū pe haiñ pāñch chaar tā'vīz

khaTke vo na aa.e fātihe ko

dekhā jo sar-e-mazār tā'vīz

pī jaa.eñ ghol kar kise aap

hai naqsh na ḳhāksār tā'vīz

ai turk Taleñ balā.eñ sar se

ik teġh kā kHat-e-hazār tā'vīz

Dar hai tumheñ kankanoñ se lāzim

laayā to hai sāda-kār tā'vīz

iksīr kā nusḳha us ko samjhūñ

kho.e jo tirā ġhubār tā'vīz

majma' hai 'amīr' kī lahad par

mele kā hai ishtihār tā'vīz

kya roke qaza ke war ta'wiz

qila' hai na kuchh hisar ta'wiz

choTi mein hai mushk-bar ta'wiz

ya fitna-e-rozgar ta'wiz

donon ne na dard-e-dil miTaya

ganDe ka hai rishta-dar ta'wiz

kya nad-e-'ali mein bhi asar hai

chaaron TukDe hain chaar ta'wiz

Darta hun na subh ho shab-e-wasl

hai mehr wo zar-nigar ta'wiz

hum ko bhi ho kuchh umid-e-taskin

khoe jo tap-e-KHayar ta'wiz

pattal ko jaD hamari pahunchi

gaDa tah-e-pa-e-yar ta'wiz

hajat nahin un ko nau-ratan ki

bazu pe hain panch chaar ta'wiz

khaTke wo na aae fatihe ko

dekha jo sar-e-mazar ta'wiz

pi jaen ghol kar kise aap

hai naqsh na KHaksar ta'wiz

ai turk Talen balaen sar se

ek tegh ka kHat-e-hazar ta'wiz

Dar hai tumhein kankanon se lazim

laya to hai sada-kar ta'wiz

iksir ka nusKHa us ko samjhun

khoe jo tera ghubar ta'wiz

majma' hai 'amir' ki lahad par

mele ka hai ishtihaar ta'wiz