عقل کا حکم ہے ادھر تو نہ جانا اے دل
عقل کا حکم ہے ادھر تو نہ جانا اے دل
عشق کہتا ہے کہ پھر واں سے نہ آنا اے دل
عقل خارج ہوئی جس وقت ہوا عشق کا دخل
آنکھ لگتے ہی ہوئے ہوش روانا اے دل
گریہ مت کر نہیں ہونے کا غم یار فرو
ہے کٹھن پانی سے یہ آگ بجھانا اے دل
میں نہ کہتا تھا کہ اک روز تو رسوا ہوگا
اس قدر اس پہ ہوا کیوں تو دوانا اے دل
طعن و تشنیع رقیبوں سے سلامت ہے محال
عشق بازی ہے ملامت کا نشانہ اے دل
باز آ مان کہا اس کی طرف پھر مت جا
کیا نہیں اور کہیں تیرا ٹھکانا اے دل
کیوں تو مجنوں سا ہوا عشق میں انگشت نما
نام رکھتا ہے ترا ایک زمانا اے دل
دلبری کچھ بھی ہو جس میں ہے دل آزار وہی
بر میں اپنے کبھی اس کو نہ بٹھانا اے دل
جس کو میں جان عزیز اپنا سمجھتا تھا ترابؔ
عشق میں وہ بھی ہوا مجھ سے بیگانا اے دل
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
