ذکر انی انا اللہ کیا ہوں

ذکر انی انا اللہ کیا ہوں

مانتے کیوں نہیں میں خدا ہوں

گنج مخفی سے باہر ہوا ہوں

مانتے کیوں نہیں میں خدا ہوں

تھی مجھے فکر خود جاننے کی

آپ اپنے کو پہچاننے کی

شکل آدم میں ظاہر ہوا ہوں

مانتے کیوں نہیں میں خدا ہوں

نہ کوئی مجھ سے پیدا ہوا ہے

نہ کوئی مجھ کو پیدا کیا ہے

نہ کسی کو میں پیدا کیا ہوں

مانتے کیوں نہیں میں خدا ہوں

ہے وراءالورا ذات میری

قابل فکر ہر بات میری

میں سمندر ہوں خود بلبلا ہوں

مانتے کیوں نہیں میں خدا ہوں

آسماں پر احد میں ہی احمد

فرش پر بن کے خود میں محمد

پھر بشر بن کے میں چھا گیا ہوں

مانتے کیوں نہیں میں خدا ہوں

نہ ازل سے میری ابتدا ہے

نہ ابد تک میری انتہا ہے

میں ہی خود ابتدا انتہا ہوں

مانتے کیوں نہیں میں خدا ہوں

میں کہیں رسولؐ خدا ہوں

اور کہیں پر میں رب العلیٰ ہوں

ہے لقب میرا بندہ بجا ہوں

مانتے کیوں نہیں میں خدا ہوں

خلق میری ہی پرچھائیاں ہیں

ہم سمجھتے ہیں رضواںؔ میاں ہیں

میں نہ اچھا ہوں اور نہ برا ہوں

مانتے کیوں نہیں میں خدا ہوں