muddat se chuTila tha paDa dil pe asar aaj

muddat se chuTīlā thā paḌā dil pe asar aaj

rah rah ke jo uThtā hai mirā dard-e-jigar aaj

ban-Than ke vo baiTheñge sar-e-shām se kah do

dikhlā.eñ ḳhijālat se na muñh shams-o-qamar aaj

sunte haiñ ki ā.eñge vo shamshīr-e-barhana

'ushshāq se kah do ki raheñ sīna-sipar aaj

kal kī hai ḳhabar kis ko rahe yā na rahe dam

karnā ho jo kal kaam vahī ke kar ke bashar aaj

kal kī hai ḳhabar kis ko ilāhī ye du'ā hai

phaltā rahe duniyā meñ murādoñ kā shajar aaj

aflāk pe dahshat se sahm jaa.eñ farishte

dikhlā.e jo naala mirā kuchh apnā asar aaj

dil zaḳhmoñ se hai chuur sab armān bhare haiñ

paaya hai ye duniyā meñ mohabbat kā kHamr aaj

sattār tirā naam hai sab 'aib chhupā ke

auroñ ke ye kahte haiñ mire dīda-e-tar aaj

ham DhūñDhne nikle haiñ koī yaar vafādār

jā.eñge muqaddar hameñ le jaa.e jidhar aaj

dikhlā ke vo joban hameñ kis naaz se bole

gadrā.e juvānī meñ mohabbat ke samar aaj

gardish meñ falak se bhī sivā rahte haiñ muflis

ārām se vo hī hiiñ jo haiñ sāhab-e-zar aaj

saaqī hai na sāġhar hai mare jaate haiñ be-maut

taqdīr se mai-ḳhāne kā bhī band hai dar aaj

pā.eñge bhalā ḳhaak tirī chashm ko aahū

chīte bhī ḳhajālat se chhupāte hiiñ kamar aaj

bādal nazar aane lage sab ruuī ke gaale

dikhlā.e tamāshā mare aahoñ kā asar aaj

niiñd aa.ī jo takiye ko sirhāne se haTāyā

zaanū pa mare savayyā kiye do dopahar aaj

bosa jo liyā pyaar se sharmā ke vo bole

lag jaa.e tumhārī na kahīñ mujh ko nazar aaj

ghar-ghar dam-e-āḳhir mire kohrām machegā

ahbāb kaheñge ki vo karte haiñ safar aaj

bosa jo liyā yaar ko pahlū meñ biThā ke

aġhyār to khā khā ke rahe ḳhūn-e-jigar aaj

ai 'badr' nazar-bāzāroñ meñ hai naam tumhārā

jaatī hai bahut duur tumhārī bhī nazar aaj

muddat se chuTila tha paDa dil pe asar aaj

rah rah ke jo uThta hai mera dard-e-jigar aaj

ban-Than ke wo baiThenge sar-e-sham se kah do

dikhlaen KHijalat se na munh shams-o-qamar aaj

sunte hain ki aaenge wo shamshir-e-barhana

'ushshaq se kah do ki rahen sina-sipar aaj

kal ki hai KHabar kis ko rahe ya na rahe dam

karna ho jo kal kaam wahi ke kar ke bashar aaj

kal ki hai KHabar kis ko ilahi ye du'a hai

phalta rahe duniya mein muradon ka shajar aaj

aflak pe dahshat se sahm jaen farishte

dikhlae jo nala mera kuchh apna asar aaj

dil zaKHmon se hai chur sab arman bhare hain

paya hai ye duniya mein mohabbat ka kHamr aaj

sattar tera nam hai sab 'aib chhupa ke

auron ke ye kahte hain mere dida-e-tar aaj

hum DhunDhne nikle hain koi yar wafadar

jaenge muqaddar hamein le jae jidhar aaj

dikhla ke wo joban hamein kis naz se bole

gadrae juwani mein mohabbat ke samar aaj

gardish mein falak se bhi siwa rahte hain muflis

aaram se wo hi hin jo hain sahab-e-zar aaj

saqi hai na saghar hai mare jate hain be-maut

taqdir se mai-KHane ka bhi band hai dar aaj

paenge bhala KHak teri chashm ko aahu

chite bhi KHajalat se chhupate hin kamar aaj

baadal nazar aane lage sab rui ke gale

dikhlae tamasha mare aahon ka asar aaj

nind aai jo takiye ko sirhane se haTaya

zanu pa mare sawayya kiye do dopahar aaj

bosa jo liya pyar se sharma ke wo bole

lag jae tumhaari na kahin mujh ko nazar aaj

ghar-ghar dam-e-aKHir mere kohram machega

ahbab kahenge ki wo karte hain safar aaj

bosa jo liya yar ko pahlu mein biTha ke

aghyar to kha kha ke rahe KHun-e-jigar aaj

ai 'badr' nazar-bazaron mein hai nam tumhaara

jati hai bahut dur tumhaari bhi nazar aaj