تجھی کو دل کے لئے لا جواب دیکھ لیا

تجھی کو دل کے لئے لا جواب دیکھ لیا

نگاہ حسن مرا انتخاب دیکھ لیا

نگاہ ملتے ہی کیفتیوں میں ڈوب گیا

نگاہ میں تری کیف شراب دیکھ لیا

حجاب اپنے فرائض میں کامیاب نہیں

مری نظر نے تمہیں بے نقاب دیکھ لیا

ان انکھڑیوں کی قسم ان کی مستیوں کی قسم

کہ پر شراب سے جام شراب دیکھ لیا

ہمیں ہے یاد جوانی برائے نام اپنی

بس اس طرح سے کبھی جیسے خواب دیکھ لیا

خدا کے واسطے اب تو معاف رکھ ظالم

بہت دنوں تری الفت کا خواب دیکھ لیا

مجھی کو کہتی ہے بہزادؔ مبتلا دنیا

خراب حال کا حال خراب دیکھا لیا