تصور میں کوئی پھر آ رہا ہے

تصور میں کوئی پھر آ رہا ہے

الٰہی خیر دل گھبرا رہا ہے

کوئی یوں دل کی فضا پر چھا رہے کوئی

کہ دل مغرور ہوتا جا رہا ہے

نہیں میں کچھ نہیں آتا ہے ناصح

کہ تو بیکار کیوں سمجھا رہا ہے

محبت کرتی ہے اس کی پرستش

کہ تو جس دل کو یوں ٹھکرا رہا ہے

تصور دے رہا ہے خوب دھوکہ

کہ کوئی آ رہا ہے جا رہا ہے

ارے ساقی مرا پیمانۂ دل

شراب آرزو چھلکا رہا ہے

محبت دیکھ اے میری محبت

مرے دل کو کوئی برما رہا ہے

کسی کے حسن کی اللہ رے گرمی

محبت کو پسینہ آ رہا ہے

ذرا خاموش ہو بہزادؔ مضطر

ترے اشعار کوئی گا رہا ہے