جہان عاشقی کہتے ہیں جس کو وہ جہاں میں ہوں

جہان عاشقی کہتے ہیں جس کو وہ جہاں میں ہوں

محبت کی زمیں میں ہوں وفا کا آسماں میں ہوں

فضائے رنگ و بوئے گلستاں کا رازداں میں ہوں

چمن کا پتہ پتہ کہہ رہا ہے باغباں میں ہوں

گل و بلبل ہیں دونوں لازم و ملزوم آپس میں

جو جان گلستاں وہ ہیں تو روح گلستاں میں ہوں

مجھے غم ہے مصیبت ہے تمہیں عیش و مسرت ہے

بہار بے خزاں تم ہو بہار پر خزاں میں ہوں

جنوں کو کیوں نہ محبوب بہزاؔد جنوں پرور

کہ اک لے دے کے بس دست جنوں کا رازداں میں ہوں