درد رکتا نہیں ایک پل بھی عشق کی یہ سزا مل رہی ہے

درد رکتا نہیں ایک پل بھی عشق کی یہ سزا مل رہی ہے

موت سے پہلے ہی مر گئے ہم چوٹ نظروں کی ایسی لگی ہے

بے وفا اتنا احسان کر دے کم سے کم عشق کی لاج رکھ لے

دو قدم چل کے کاندھا تو دے دے تیرے عاشق کی میت اٹھی ہے

رات کٹتی ہے گن گن کے تارے نیند آتی نہیں ایک پل بھی

آنکھ لگتی نہیں اب ہماری آنکھ اس بت سے ایسی لگی ہے

اس قدر میرے دل کو نچوڑا ایک قطرہ لہو کا نہ چھوڑا

جگمگاتی ہے جو ان کی خلوت وہ مرے خون کی روشنی ہے

لڑکھڑاتا ہوا جب بھی نازاںؔ ان کی رنگین محفل میں پہنچا

دیکھ کر مجھ کو لوگوں سے بولے یہ وہی بے وفا آدمی ہے