جب آدمی مدعا حق ہے تو کیا کہیں مدعا کہاں ہے

جب آدمی مدعا حق ہے تو کیا کہیں مدعا کہاں ہے

خدا ہے خود جس کے دل میں پنہاں وہ ڈھونڈھتا ہے خدا کہاں ہے

یہ بزم یاران خود نما ہے نہ کر خلوص و وفا کی باتیں

سبھی تو ہیں مدعی وفا کے یہاں کوئی بے وفا کیا ہے

تمام پرتو ہیں عکس پرتو تمام جلوے ہیں عکس جلوہ

کہاں سے لاؤں مثال صورت کہ آپ سا دوسرا کہاں ہے

نہاں ہیں تکمیل خود شناسی میں جلوہ ہائے خدا شناسی

جو اپنی ہستی سے بے خبر ہے وہ آپ سے آشنا کہاں ہے

پڑی ہے سنسان دل کی وادی اکیلا محو تلاش ہوں میں

کہ عشق کے راہرو کدھر ہیں وفاؤں کا قافلہ کہاں ہے

جنہیں وسائل پہ ہے بھروسہ یہ بات ان کو بتا دے کوئی

بچا لے کشتی کو جو بھنور سے خدا ہے وہ ناخدا کہاں ہے

پڑا ہی رہنے دو سر بسجدہ نہ چھوٹنے دو یہ آستانہ

‎کہ درشنؔ خستہ کا ٹھکانہ تمہارے در کے سوا کہاں ہے