میں کچھ نہیں مگر یہ حقیقت ضرور ہے

میں کچھ نہیں مگر یہ حقیقت ضرور ہے

آپ کے در کرم سے محبت ضرور ہے

یہ اور بات آئے نہ آداب بندگی

لیکن آپ کے در سے عقیدت ضرور ہے

کاسہ میں مجھ فقیر کے کچھ بھی نہیں مگر

لیکن آپ کے عشق کی دولت ضرور ہے

مجھ بے نوا کے واسطے یہ بھی تو کم نہیں

ہاتھوں میں ان کا دامن نسبت ضرور ہے

مانا نوازشات کے قابل نہیں ہوں میں

پھر بھی کسی کی مجھ پہ عنایت ضرور ہے

جلوے ہزار سامنے آتے رہیں تو کیا

آنکھوں پہ فرض ان کی زیارت ضرور ہے

آئی نہ غم کی دھوپ کبھی مجھ پہ اے فناؔ

سر پہ کسی کا دامن رحمت ضرور ہے