دل ہے صنم خانہ مرا جب سے بسی صورت تری

دل ہے صنم خانہ مرا جب سے بسی صورت تری

کافر ہوں تیرے عشق میں مسلک مرا ہے کافری

ایمان کا بت توڑ دے تسبیح مصلیٰ چھوڑ دے

دیکھے کوئی زاہد اگر تیری ادائے دلبری

میری عبادت ہے یہی چھوڑوں نہ بت خانہ ترا

پوجا کروں تیری صنم تکتا رہوں مورت تری

کافر ہوا ہوں جب سے میں آنکھوں سے پردے ہٹ گئے

ہر چیز میں آئی نظر اے بت تری جلوہ‌ گری

میری نظر کو چاہیے دیدار تیرے حسن کا

دیکھوں اگر جلوہ ترا بس عید ہو جائے مری

آنکھیں تری جام و سبو قلب فنا کی آرزو

انداز تیرے اے صنم رشک بتان آزری