گیسوؤں کو چہرے پر آپ نے بکھیرا ہے

گیسوؤں کو چہرے پر آپ نے بکھیرا ہے

بادلوں کے سائے میں چاند کا بسیرا ہے

کیا عجب جو ایسے میں توڑ دے کوئی توبہ

جام بھی لبالب ہے ابر بھی گھنیرا ہے

تو بچائے جا دامن میں نہ باز آؤں گا

میرا عشق میرا ہے تیرا حسن تیرا ہے

ان کی زلف برہم میں عارضوں کو کیا دیکھوں

چاند پاس ہے لیکن دور تک اندھیرا ہے

ان دنوں مزاج اے دوست اس طرح ہے حسرتؔ کا

دل میں غم زمانے کا لب پہ نام تیرا ہے