کسی کے حسن کا جلوہ ہوں وہ حجاب ہوں میں

کسی کے حسن کا جلوہ ہوں وہ حجاب ہوں میں

جمال یار کی ہلکی سی اک نقاب ہوں میں

کسی کا جلوہ ہے ظاہر تو اس کا ہوں مظہر

کسی کی ہستی ہے پانی تو اک سراب ہوں میں

کسی کا باندھا ہوا اک نقش ہستی ہوں

ہیں ہے بحر تو اس بحر کا حباب ہوں میں

تمہارا حسن رہے اور تم رہو آباد

دعائیں مٹ کے بھی دیتا ہوں وہ خراب ہوں میں

وہ بے نظیر حسیں اور میں اس کا آئینہ

وہ اپنے حسن میں بے مثل لا جواب ہوں میں

نہ پوچھو کیا ہوں میں کیسا وجود ہے میرا

جو دیکھتے ہیں وہ بیدار میں وہ خواب ہوں میں

نہاں ہیں مجھ میں نقوش جہان غیب و شہود

تمام حسن کا دفتر ہوں وہ کتاب ہوں میں

میں کچھ نہ ہو کے بھی ان کی نظر میں رہتا ہوں

کرم ان کا کہ لاکھوں میں انتخاب ہوں میں

میں کیا بتاؤں کہ ہے مجھ میں کیا نہاں غوثیؔ

اگرچہ صورت ذرہ ہوں آفتاب ہوں میں