خدا موجود ہے اور ہم عدم ہیں

خدا موجود ہے اور ہم عدم ہیں

عدم کیا مظہر ذات قدم ہیں

نہیں ہیں ہم وہ اور وہ ہم نہیں ہیں

تماشہ ہے کہ پھر وہ ہم ہی ہم ہیں

نظر آتے نہیں گر ہو کے ظاہر

یہ جلوے کس کے پھر اے ذوالکرم ہیں

جو کھوکر خود کو پائے خود میں تجھ کو

الٰہی اب تو ایسے لوگ کم ہیں

ترا در چھوڑ کر جائیں کدھر ہم

جبیں ہے اور ترے نقش قدم ہیں

پئیں گے ہم ترے ہاتھوں سے ساقی

یہی ساغر ہمارے جام جم ہیں

وہی ظاہر وہی باطن ہے غوثیؔ

نہیں جو چیز کچھ وہ چیز ہیں ہیں