امیری کیسی کیا یہ مرتبہ شاہی وزیری کا

امیری کیسی کیا یہ مرتبہ شاہی وزیری کا

تو اے غافل شناسائے مدارج ہو فقیری کا

نہ بھاویں گے ہمارے بعد اسے دلہائے بے نسبت

ہمیں اک عمر رووے گا مزا دل کی اسیری کا

جوانی ہنس کے کاٹی اب پلک پر اشک چمکی ہے

جو رات آخر ہوئی نکلا ستارہ صبح پیری کا

مرے نالوں کے سننے سے تو چپ لگ جائے گی تجھ کو

نہ رکھ آہنگ میرے ساتھ بلبل ہم صفیری کا

گرانا چاہتا ہے عجب دانش مجھ کو رتبہ سے

جنوں آ بھی یہی تو وقت ہے اب دستگیری کا

سخن سنجاں صاحب دل ہے قدر اس کی سمجھتے ہیں

بدل ہے یہ مرا دیوان دیوان نظیری کا

وہ بزم شعر کیا جس میں نہ آویں حضرت راسخؔ

‎کہ آنا ان کا آنا ہے شفائی کا نظیری کا