ہم اس کوچے میں جب تک جان ہے آئیں گے جائیں گے

ہم اس کوچے میں جب تک جان ہے آئیں گے جائیں گے

مریں گے بھی تو اس کی خاک میں ملنے کو آئیں گے

میں جن کا ہوں انہیں کو فکر ہے ہر کام کی میری

مرے مشکل کشا خود ہی مری بگڑی بنائیں گے

ہماری آرزو تم ہو سلامت تم رہو بس ہے

ہمارا کیا ہے ہم سرکار پر قربان جائیں گے

وہ منظر دیدنی ہوگا کریں گے رشک سب ان پر

گنہگاروں کو جب سرکار دامن میں چھپائیں گے

کوئی پردہ وہ چھن جاتے ہیں جلوے روئے روشن سے

جہاں بیٹھو گے تم چھپ کر وہیں جلوہ دکھائیں گے

نہ چھوڑوں گا قدم ان کے فدا ہو جاؤں گا ان پر

شہنشاہؔ آ جا بر آقا مرے تشریف لائیں گے