گو ہمارا ہے آشنا رے سجن

گو ہمارا ہے آشنا رے سجن

تو نہ کر اس قدر جفا رے سجن

ہیں گے مشتاق سب چمن کے گل

ٹک تو اپنا درس دکھا رے سجن

دیکھ گلشن میں قد کوں سرو بلند

کیوں نہ ہوا آکے خاک پا رے سجن

ہر قدم تجھ گلی میں عاشق کوں

ہے گا میدان کربلا رے سجن

بعد مدت ہوا ہے روز وصال

ٹک تو بہر خدا نہ جا رے سجن

دیکھ آ رنگ زرد عاشق کا

گر تو ہے طالب طلا رے سجن

چین ابرو چڑھا چلا ہے کدھر

ٹک تو اپنا پتا بتا رے سجن

یہ توقع نہ تھی مجھے تجھ سوں

بے سبب کیوں تو لڑ چلا رے سجن

کہتا حاتمؔ پھرے جہاں کے بیچ

تجھ سا ظالم نہیں سنا رے سجن