ہو کاش حاصل در کی گدائی

ہو کاش حاصل در کی گدائی

گہے دیدہ فرشے گہے جبہہ سائی

عقدہ کشا ہو عقدہ کشائی

اے شاہ خوباں جلوہ نمائی

از سبزہ بر گل خط می فدائی

دل می فریبی جاں می ربائی

معنیٔ قرآں عارض تاباں

روئے منور حاصل ایماں

کاکل مشکیں سنبل پیچاں

بام فلک تک جن کی رسائی

از سبزہ بر گل خط می فدائی

دل می فریبی جاں می ربائی

سرمگیں آنکھیں برق تجلیٰ

طور ہوا کب حامل جلوہ

شمس و قمر میں حسن کا صدقہ

عرش بریں تک تیری رسائی

از سبزہ بر گل خط می فدائی

دل می فریبی جاں می ربائی

فیض جہاں میں عام ہے ان کا

عقدہ کشائی کام ہے ان کا

رحمت عالم نام ہے ان کا

ہاتھ میں ہے منظورؔ خدائی

از سبزہ بر گل خط می فدائی

دل می فریبی جاں می ربائی