جب یار دیکھا نین بھر

جب یار دیکھا نین بھر دل کی گئی چنتا اتر

ایسا نہیں کوئی عجب راکھے اسے سمجھائے کر

جب آنکھ سے اوجھل بھیا تڑپن لگا میرا جیا

حقا الٰہی کیا کیا آنسو چلے بھر لائے کر

تو تو ہمارا یار ہے تجھ پر ہمارا پیار ہے

تجھ دوستی بسیار ہے ایک شب ملی تم آئے کر

جانا طلب تیری کروں دیگر طلب کس کی کروں

تیری جو چنتا دل دھروں ایک دن ملو تم آئے کر

میری جو من تم نے لیا تم نے اٹھا غم کو دیا

تم نے مجھے ایسا کیا جیسا پتنگا آگ پر

خسروؔ کہے باتاں غضب دل میں نہ لاوے کچھ عجب

قدرت خدا کی ہے عجب جب جیو دیا گل لائے کر