میں دین و دل عشق ہوں ایمان تمنا

میں دین و دل عشق ہوں ایمان تمنا

اترا ہے مری روح پہ قرآن تمنا

اک حرف بھی دھویا نہ گیا وقت سے اب تک

کیا بات ہے اے کاتب دیوان تمنا

جب تک کہ محبت کی ہے دنیا کو ضرورت

دست من دیوانہ و دامان تمنا

ہر شب مری سرکار میں آتے ہیں فرشتے

ہاتھوں پہ لئے شمع فروزان تمنا

ممکن ہو تو صرف ایک نظر حال گدا پر

اے شاہ دل عالم و سلطان تمنا

اک جوشؔ کا دل ہی نہیں خود گوئے دو عالم

غلطیدہ ہے پیش خم چوگان تمنا