کہاں لے جاؤں دل دونوں جہاں میں سخت مشکل ہے

کہاں لے جاؤں دل دونوں جہاں میں سخت مشکل ہے

یہاں پریوں کا مجمع ہے وہاں حوروں کی محفل ہے

الٰہی کیسی کیسی صورتیں تونے بنائی ہیں

کہ ہر صورت کلیجا سے لگا لینے کے قابل ہے

لیا لیتے ہی شیشہ کی طرح پتھر پہ دے پٹکا

میں کہتا رہ گیا ظالم میرا دل ہے مرا دل ہے

جو دیکھا عکس آئینہ میں اپنا بولے جھنجھلا کر

ارے ہٹ کون ہے تو سامنے سے کیوں مقابل ہے

مری تربت پہ اک ٹھوکر لگائی اور یہ فرمایا

قیامت آ گئی اٹھ سونے والے کیسا غافل ہے

ہزاروں دل مثل کر پاؤں سے جھنجھلا کے فرمایا

لو پہچانو تمہارا این دلوں میں کون سا دل ہے

سوال بوسہ پر کیوں جھڑکیاں دیتے ہو اکبرؔ کو

فلا تنہر کلام اللہ میں از بہر سائل ہے