کون بیٹھا ہے اب اندیشۂ فردا لے کر

کون بیٹھا ہے اب اندیشۂ فردا لے کر

مطمئن ہوں تری نسبت کا سہارا لے کر

اپنی قدرت کے تماشے کبھی دکھلاتے ہیں

عبد قادر کے مسمیٰ کا وہ پردا لے کر

جاننے والی نگاہوں نے مجھے جان لیا

کھو گیا میں جو کبھی نام کسی کا لے کر

داغ دل زخم جگر دیدۂ خون ناب فشاں

ہم بھی آئے ہیں در یار سے کیا کیا لے کر

شکوہ سنجی یہ مزے کی ہے کہ ہم در سے ترے

آئے ہیں تنگیٔ دامن ہی کا شکوا لے کر

ہر مصیبت سے ہر اک فکر سے ہر آفت سے

چھٹ گئے ہم تو فقط نام تمہارا لے کر

کس پہ احساں شہ جیلاں کا نہیں ہے کاملؔ

پلتے آئے ہیں سبھی ان کا اتارا لے کر