وفور شوق مضطر ہے کہ ان کو ہائے کیا کہیے

وفور شوق مضطر ہے کہ ان کو ہائے کیا کہیے

نبی کہیے ملک کہیے بشر کہیے خدا کہیے

اگر اس بارگاہ پاک میں تیرا گزر ہووے

تو مثل تذکرہ اتنا تو اے باد صبا کہیے

کہ وہ بدنام جس سے ننگ ہے اسلام کو شاہا

وہ مومن جس کا ایماں باعث شرم و حیا کہیے

وہ عاصی جس کے عصیاں کی نہیں ہے کوئی حد باقی

وہ فاسق فسق کی جس کے نہ کوئی انتہا کہیے

یہ کہتا تھا کہ ہوں میں بھی تو آخر سگ اسی در کا

زبان پاک سے اپنے کسی دن بھی تو آ کہیے

برا ہوں یا بھلا پھر آپ کا کہلاتا ہوں شاہا

سوائے آپ کے کس کا ہے مجھ کو آسرا کہیے