چونک اٹھا گھبرا کے زمانہ دھوم مچائی لوگوں نے

چونک اٹھا گھبرا کے زمانہ دھوم مچائی لوگوں نے

جب بھی میری صورت سے تصویر ملائی لوگوں نے

کوئی نہ سمجھا درد کو میرے میری کسی نے بات نہ کی

میری کہانی اپنی کہہ کر بس دہرائی لوگوں نے

عشق کو بھی مجرم گردانا حسن کو بھی بدنام کیا

آگ لگانے کو تو یوں بھی آگ لگائی لوگوں نے

کیا کیا مجھ پر ظلم نہ ڈھائے کیا کیا مجھ کو غم نہ دیے

دیکھ کے ان کی محفل دل تک اپنی رسائی لوگوں نے

عشق میں جو منزل ملتی ہے یوں ہی نہیں ملتی کوثرؔ

برسوں ویرانوں کے سروں پر خاک اڑائی لوگوں نے