جو تیری یاد فرقت میں مری دم ساز بن جائے

جو تیری یاد فرقت میں مری دم ساز بن جائے

تو میرے دل کی ہر دھڑکن تری آواز بن جائے

ترس کچھ آ چلا صیاد کو ہاں پھڑپھڑائے جا

یہ شاید صورت پرواز ہی پرواز بن جائے

نمایاں ہو نہ چہرے سے نہ آنکھوں سے نہ باتوں سے

محبت راز اندر راز اندر راز بن جائے

حرم سے کرتا ہے کس رند کو شیخ حرم خارج

جہاں میں بیٹھ جاؤں جلوہ گاہ ناز بن جائے

جو ہیں ڈالوں نگاہیں حسن میں سب جذب ہو جائیں

کوئی تو ناز بن جائے کوئی انداز بن جائے

نہ اف بھی میں نے کی پھر بھی جفا کا تیری شہرہ ہے

مرا کیا بس خموشی بھی اگر آواز بن جائے

مسیحا ہو قضا ہو یاس ہو امید ہو وہ ہوں

کوئی تو چارہ ساز خاطر ناساز بن جائے

پیے تو مے تو یہ تیرا لب بے کیف اے واعظ

لب ساغر سے مل مل کر لب اعجاز بن جائے