کسی شوخ کی جب نظر ہو گئی

کسی شوخ کی جب نظر ہو گئی

خودی سے خودی بے خبر ہو گئی

خودی میں خدا کا پتہ مل گیا

خودی سے خودی کو خبر ہو گئی

مری چشم جب مثل نرگس بنی

تو وو دور بین نظر ہو گئی

ہوا جلوہ گر حق میری شکل میں

کدھر تھی خدائی کدھر ہو گئی

جو عصمت سے وحدت میں رہتی تھی ذات

یہ کثرت میں وہ در بدر ہو گئی

میری عمر ہفتادہ سالہ میاں

خیال صنم میں بسر ہو گئی

یہ سوداگرؔ میری جو کچھ کہ تھی

تصدق وہ سردار پر ہو گئی